إبعد حبه تزيد محبه …بقلم المحامية ؛هناء زغلول
إبعد حبه تزيد محبه …بقلم المحامية ؛هناء زغلول
ماتقربش من اللي بتحبهم عشان هتخسرهم بلاش تدقق في تفاصيل حياتهم
كل ما تبعد بتشوف المنظر اجمل وبيظهر بالكامل قدامك علي مساحه واسعه بتريح عينك بس كل ماهتقرب عشان تركز في تفاصيله هتشوف عيوبه و هترهق عينك في التركيز
بلاش تعمل زووم علي حياه حد خلي في دايما بينك وبينه مسافه الأمان اللي بتحميك من الدخول في المشاكل والمشاحنات
معظم الناس اللي خسروا بعض كان السبب القرب الزياده وانك عارف كل كبيره وصغيره في حياه غيرك كل دا بيتحول لعداوه بعد مرور الوقت وبدل ما تبقي الشخص اللي بيرتاح في قربه بتكون الحبل اللي بيخنقه وكل ما هتقرب هتلف الحبل اكتر لحد ما هتوصله انه يتهرب منك لأنك أصبحت مصدر قلق وخوف للطرف التاني
ودا مش بين الأصحاب بس انما في اي علاقه اجتماعيه بتربط شخصين ببعض زي الزوجين والاختين وزمايل العمل
كل ما هيكون في مسافه في العلاقات كل ما هتدوم اكتر وتستمر ولكل واحد مساحه للخصوصيه المفروض نحترمها ومانتدخلش فيها ومانقربش منها
كل ما هتبعد حبه هتزيد محبه
