د. أحمد حمدي يكتب .. “الأسباب الواقعية وراء ارتفاع أسعار اللحوم”

“يا أهل اللحمة سعر اللحمة رخصوها كمان لله”

أسئلة كثيرة وتعليقات حوالين أسعار اللحمة واللي ف الطالع بدون ظبط او ربط. وبرغم إني تسعير اللحوم بعيد تماما عن اختصاص التفتيش على اللحوم في الطب البيطري.

لكن خصصت يوم كده للمرور على محلات جزارة في مختلف الاماكن الراقية والشعبية وكمان عند المنافذ المدعمة من هيئات حكومية.

وفعلاً كان كلام الجزارين في كل الأماكن دي واحد لان المشكلة واحدة.  وهلخصلكم اللي بيدور في دماغ الجزارين كلهم

?1-الأسواق مغلقة ف بكده الجزار بيضطر يروح للتاجر عند بيته أو مزرعته. وده بيخليه يتشرط عليهم أو يحدد السعر اللي شايفه حسب العليقة اللي كان بيستخدمها.

?2-سعر القايم (الكيلو للحيوان حي) حالياً في البقر من 55وبيوصل 57 (ع حسب التاجر زي ماقولنا) ونسبة التصافي في البقر (عدد الكيلوهات من اللحوم بعد استبعاد العظام والأحشاء الداخلية) بيكون 47%

?3-سعر القايم في الجاموس من 49 إلى 50 جنيه ونسبة التصافي 42%

?4-سعر الكيلو للجمهور بيحسبه الجزار ازاي

سعر الكيلو قايم ويضربه في 2 +10

يعني لو سعر القايم 55

55×2=110

110+10=120

يعني في الحالة دي الجزار بيبيع الكيلو العادي ب 120

?5-أما بقى الكيلو الصافي ممكن يوصل ل 130

?6– مشكلة الجزارين هي التجار اللي بيجو يشترو العجول ويسافرو بيها بحري وبسعر أغلى. وده احد اسباب ارتفاع سعر القايم.

?7– الحل في وجهة نظرهم هو منع بيع العجول لمناطق بره المحافظة.

?8-طبعاً سعر لحوم الإناث واللي بتدبح بطريقة غير شرعية في الأرياف بره السلخانات بيبقى أرخص بكتير لأن جودته هتكون أقل وبدون اشراف طبي يعني سلامته مش مضمونه?

يعني المشكلة مش مشكلة رقابة أكتر ماهي مشكلة عرض وطلب وسوق. ✋