الفقر مش عيبة …بقلم /هويدا دويدار …
الفقر مش عيبة …بقلم /هويدا دويدار …
انت عمرك شفت واحد عدى البحر خايف
لما ضحكة بتترسم فوق الشفايف
واقف لوحدك من بعيد بس نظرك.. جايب وشايف
خوفك وضعفك دول صحابك لكن.. مين إلَّى عارف .
ما انا الفقير الّى بيعايبوا على فقره
ويجى صاحبنا شايل كيس ويتصور ..مع قهره
وكأنه هيمحى سنين فاتت ومن.. عمره
سنين بتفوت شقا وليالى مره
طب هو شاف من أيامى يومى .ولو مرة
وانا بعافر كل يوم على اللقمة وهلم .جره
طيب ما تيجى كل يوم وتسد جوعى
وتعالى دوس على نفسى .ما هى تحت طوعى .
ما الدنيا دايسة على سنينى وكأنها .
غاوية خضوعى
هأفضل اعافر كده وأفرد قلوعى
وأسرح بفكرى بعيد .وهقيد شموعى
وأرفع كفوفى للسما وأفضل انادى
يتوسع الرزق لنا –ماهو ربنا
مش هينسى ابداً غلابه زينا
ما الفقر مش عيبة يا ابن .الأصول
لكن هى أرزاق واحد بياكل بغاشة …..والتانى فول
