هجوم على محافظ سوهاج بسبب الإحتفال بتغير الهوية البصرية للمحافظة على شبكات التواصل

كتب  : محمد دياب

أثار حفل تغير شعار وهوية سوهاج غضب وتسائلات المواطنين بقرى ومدن المحافظة وهجوم على اللواء طارق الفقى محافظ الإقليم  على شبكات التواصل الإجتماعى تعليقا على فيديو تم نشره على موقع البوابة نيوز بسبب البطالة وارتفاع الأسعار وسوء البنية التحتية والشوارع بقرى ومدن المحافظة على حد تعبيرهم.

فى البداية طالب على عبد العال ابو المغربى  باستغاثة لمحافظ سوهاج تعالى شو ف قرية سعدالله منسيه خالص لا صرف ولا غاز وفوق كل ده الضغط العالى إلى بيمر فوق البيوت ومهددين بالموت من سلك الكهرباء ولا صحه عندنا وحدة صحيه ليهاش اى عازةوفى بيوت ناس فقيرة عايزة تتبنيلها بيوت لأن القرية تحت خط الفقرة من ضمن القرى الفقيرة والله ولا حد هيعبرنى ولا هيسال فينا الله الله الله الله الله لا ينسانا.

ويقول محمود مرسى حسبي الله ونعم الوكيل
أول مره اعرف ان مشكلة سوهاج كانت في الشعار🤫🤫

ويضيف الحج احمد قداره طاب انزل مركز المراغه تشوف العجب من الإهمال والفوضي في كل شارع وحاره الشارع العمومي مدعكه بين الباعه الذين يفترشون نصف الشارع وبين سائقي التكتك والترسكل والموتسكل والماره علي أقدامهم لا يجدون وطئت قدم يمشون عليها والاخر لنا الله.

ويقول محسن  الطهطاوى الحمدلله تم تغيير الشعار الشوارع وسخه والبياعيين احتلو الشوارع والتكتك مش مرخص والفوضا عمت الشوارع والميادين والزباله متوفره الذباب موجود.

ويضيف أبو الوفا ابو الوفا كل قري محافظة سوهاج تحت خط الفقر واللي هيخرب بيوتها اكتر قانون التصالح واللي محدش قادر يعمله من قلة الفلوس حرام عليكم اتقوا الله .

ويقول همام ال خليفةاهم شيىء محتاجة المواطن السوهاجى هو عمل اتوبيسات كبيرة للنقل الحماعى برعاية المحافظة يقوم بالعمل عليها ناس محترمين من السهل محاسبتهم لو اخطأوا ..بديلا او شريكا مع .الميكرباص للحد من استهتار بعض سائقية وقلة ادبهم هم وتبا عوهم واغانى المهرجانات الخادشة للحياء الذين يرددوها.

ويشيرحمادة محمود  لمحافظ سوهاج سبت كل المشاكل الي فى المحافظه والمراكز والقرى والنجوع ورايح تدور على شعار المحافظه
الي اختشوه ماتوه.

وتسأل فتحى الخولى ايه إللى بيحصل ده سوهاج ما فيهاش شارع سليم والشوارع مليانه بلطجية ومتحرشين وكارو وتروسيكلات وموتوسيكلات بدون نمر وعكس الطريق ايه اللى تعملون ده وعلى فين. يا سوهاج؟ اخرتها احتفالات بتغيير الشعار. وعجبى.

وأكد أخر على أن الشعار القديم افضل وواخد طابع أيقوني وبعدين الحفلة دي مكلفه كام وليه تم استحداث الشعار وليه ألم تروا المستشفيات العام ع مستوي المحافظه انزلوا وشوفوا العماله والفقراء والتكدسات والطرق والاسفلت اللي بيتفقق وحده ولا الكباري اللي بعضها ملهاش ايتها لازمه ولا هي حكايه ف الميزانيه.

وأضاف أمجد ميخائيل سوهاج المحافظة المهمشة والمهملة من المسئولين .. مفيش مشاريع ضخمة وفعالة ..
والدليل ان معظم شبابها ورجالها طفشانة
وهربانة منها على الخليج واسكندرية
#نرجوا من الجهات المعنيه استخراج نسخه كل شهر من الميزانيه ع اللي انفق ع المحافظه وكل مركز ع حداه تفصيلا وليس مجرد تكلفه فقط.

وتهكم حمدى فتحى تغير الشعار إنجاز عظيم جدا
هيساعد كتير في تحسين مستوى دخل المواطن السوهاجى هيساعد في تحسين مستوى المستشفيات العطلانه وكمان هيقضي عالبطاله والرشوه والمحسوبيه
هيبنى المصانع والشركات والمؤسسات
تغير الشعار هيعمل شغل من نار.

وتهكم يوسف الصديق هههههههههه هههههههههه هههههههههه هههههههههه مالك ومال الشعار احنا عجبنا كده خليك في نفسك انت عملت ايه لشعب سوهاج قمة الإهمال وعدم المسؤولية
يا ريت يبقا المحافظ منتخب من أبناء سوهاج يعني حكم ڤدرالي

وطالب عصام الشاذلى الإهتمام وقال اهتموا بالمحافظه والمراكز والقري من رصف وصرف صحي وغيره خلاص مش لقين حاجه تعملوها تغير الشها ودي كام كلف ان شاء الله من المليون وفوق.

وقال محسن الوكيل الحمد لله اختفاء الكمامات والوباء من سوهاج 🤫🤫🤔🤔.

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق