لو سمحت خدني معاك لزمان .. رجعنى للأيام اللى فيها الحب كان

كتب : حجاج كمال

لو سمحت خدني معاك لزمان
رجعنى للأيام اللى فيها الحب كان
رجعنى أكون أنسان حاسس بالأمان
مش يوماتى خايف عايش كده قلقان

رجعنى أشوف عيون كانت ليا نور
بينور طريقى لو فى مرة أتوه
رجعنى أشوف حقيقة ماتت وياا ناس
كانت ممكن تغير تفكير لبعض ناس

رجعنى خطوتين أمسح دمعتين
بكيتهم يوم لوحدى على خلق غدارين
رجعنى للمحبة والشوق والحنين
رجعنى للقلوب الصافية الطيبين

خدنى وسافر هناك وديني للحاجات
اللى اختفت وراحت و صبحت ذكريات
خدنى للقهاوى علشان أسمع حكاوى
عن ولاد بلدنا فى وقت الأزمات

خدنى وسيبنى هناك مش عايز أرجع معاك
واعيش تانى فى زمان غرقان كدب وفساد
ماضينا كان جميل بناسه الطيبين
وكل حاجة فيه ليها دايماً مشتاقين

اظهر المزيد

مقالات ذات صلة

زر الذهاب إلى الأعلى