حد فاكر صاروخ طاهر ابوزيد فى نهائى الكأس
كتب : كمال حجاج
ياه كل ما افتكر الجون ده اضحك اوي. انا اللي جبت الجون وكل الناس احتفلت بطاهر أبوزيد انا اللي خلصت الماتش حتي كابتن ميمي الشربيني اتكلم عن طاهر أبوزيد ..
افتكر واضحك بس انا نفسي اصلا جريت علي طاهر أبوزيد بصراحه يستحق هو نجمنا ..اللي كان موجود الفتره دي ولولا الشوطه مكنتش هكملها .
قبل الماتش كنا خسرانين دوري وكان مستوانا وحش جدا لاعيبه صاعده ولاعيبه بتبطل ولاغيبه مشيت والجمهور علي آخره .
بدأنا الماتش وكان ماشي خمسين خمسين لحد ملمحت اسامه عرابي بيجري وهيعمل عرضيه بصراحه قلت مش هتعدي من نبيل محمود أصله طويل اوي بس المفاجاه أنها عدت منه وجتلي خدتها مره واحده لوب في البعيده من فوق حسين السيد وراحت صح .
الشوط التاني رجعنا اوي للدفاع والزمالك اتعادل وكان ممكن يكسب الحقيقه لكن في الدقيقه ٩٢ جه فاول لطاهر الغريب بقي اني شوفت الحيطه بتاعه الزمالك وقفه وحش جدا. وانا ورمضان لوحدنا جدا ومافيش حد معانا .
والحقيقه بتقول أن كوره طاهر لو عدت يا هتدخل يا هترد مافيش جدال وقفت مع اخر مدافع وفعلا طاهر شاط جت في صدر حسين السيد ومن غير تفكير كملتها في الجون في مشهد دراماتيكي .
وكان من اغلي الأهداف بالنسبالي .
