أشرف عبد الله يكتب (((أم الدنيا)))

ام الدنيا

بقلم الكاتب  اشرف عبد الله

واحد صاحبى فــ يوم قالي …
يا راجل سمى … يا راجل صلى …
موجوع قلبك قوى كدة ليه …؟!
مصر دي يا ابنى عملتلك ايه ؟!
ليك فيها ايه تبكى عليه …؟!
ليك فيها فيلا … ليك فيها قصر …؟!
ليك فيها حلم بتجري وراه ..؟!
ليك فيها حد يقدر تعبك ….؟!
ليك فيه قيمة … ليك فيها نصر …؟!
***
قلتله لي فيها كل ما فيها …
شهامة ولادها و خوف اعاديها …
و ضحك بناتها و صوت سواقيها …
و خفة دم طفل صغير ….
يجرى و يقع فو ق اراضيها ….
يحضنها ترابها بكل حنان …
و يسمى عليه قبل أهاليها …
***
و عجوز قاعد قدام بيته …
عينه جايبة لأخر غيطه …
فاكر إنها كل الدنيا …
عايش فيها و هيموت فيها …
***
بشر بيها حبيبى محمد …
و قال دا جنودها هما الأجمد …
و زوجته مارية اتربت فيها …
كل الاديان عارفة قيمتها …
موسى و يوسف و عيسى كمان …
و ستنا مريم مرت فيها …
و قبل ده كله ذكرها المولى …
جوة كتابة و كبر بيها …
و قال لشعوب الدنيا بحالها …
هتلاقوا سلامكم و أمانكم فيها …
***
بس بلادي كمان معزورة …
كل الدنيا باصة عليها …
كل الجبنا بينهبوا فيها …
وتلاقى ولادها بعد ده كله …
لاقيين لقمة ينعموا بيها …
اصلها دايما أم الخير …
ماهو لو ساب الدنيا بحالها …
هيروح فين ؟! هيروح ليها …
***
عشتى يا بلدى رغم الكل …
منصورة دايما من غير ذل …
و شايلانا دايما جوة عنيها …