احنا بشر

مَتستغربوش لما نكتِئب ‘ ومتلومُوناش لما نِغلط ,
مش مطلوب مننا طول الوقت نِفضل فـِ أحسن حالاتنا ‘ بنضحك ونهزر ونسامح ونعدي وننسي ,
محدش فينا مثالي ‘ ممكن نتضايق ونتعصب و نسكت ونميل أحياناً للسكوت و الحزن ,
ممكن نجرح زي ما بنتجرح وممكن نوجع زي ما ناس تانية بتوجعنا ‘ عادي يعني ‘ مفيناش ملاك ومحدش فينا نازل مـِ السما ,
لكل واحد طاقة ولكل فعل رد فعل ,
مش لازم طول الوقت تشوفونا الناس الكيوت المبهجة المبتسمة المرحة المتسامحة الطيبة ,
أكتر ناس بتحب اللمة ممكن جداً تحتاج فـِ يوم للهروب من زحمة الناس وترتاح فـِ الوحدة ,
أكتر ناس بنشوف علي وشها الضحكة ممكن جداً فـِ يوم مـِ الأيام دموعها تنزل ,
كُلنا معرضين للتعب والارهاق و الضعف ‘ بس ياريت لما حد فينا يضعف ويُقع ويعدي فـِ أزمة محدش يزود وجعه بالكلام والعِتاب ,
سِيبُوا الناس تِعبر عن مشاعرها براحتها ,
متقولوش لحد معلش ‘ سيبوهم يصرخوا , يزعقوا ‘ يعيطوا ‘ خلوهم يغسلوا قلوبهم وأرواحهم أول بِ أول علشان لما الأزمة تِعدي ويقفوا علي رجليهم من تاني ميكونوش شايلين من أي حاجة وأي حد ,
متتعاملوش معانا علي اننا تماثيل شمع مبتحسش ,
احنا بشر ✊