البشمهندس أيمن يكتب .. الرصيـــــــد ….
البشمهندس أيمن يكتب .. الرصيـــــــد
قالت له مالكش فى قلبى رصيد
قالها عارف وحاسس ..كلامك اكيد
بس قولى اى حاجة ..اى شئ جديد
وانت ياقلبى ياللى ماشى بعيد
كان نفسى يوم اشوفك سعيد
بس يظهر كنت بحلم …حلم بعيد
ولا اقولك روح ياقلبى
خلاص انت كبرت هااشترى غيرك جديد
قلب يقدر يتحمل …قلب يكون حديد
وهاارجع لك ياحبيبتى واحبك
واسرح واروح بعيد فى عيونك
واخبـيك من الناس فى قلبى الجديد
يمكن ساعتها اعيش سعيد
وتلاقى لى فى قلبك رصيد
………………………….
سنين كتيرة عدت …حزينة
مشيت وراها سارقانى السكينة
الناس شايفهم من بعيد
جواى توهة وغربة …وبعد
ياواد ياصغير ..علموك على صوابعك تعد
سمعت الكلام ياصغير ..ولا ..نعيد
يوم ما جتنا ياصغير كان يوم عيد
بس اوعى ياصغير ..فى ايام عمرك السعيد
ييجى يوم مايكونش لك فى القلب رصيد
