الأمان….بقلم المحامية :: هناء زغلول
الأمان….بقلم المحامية :: هناء زغلول
لا مان اقوي من الحب كل اللي بتحس معاهم بالامان هتحبهم لكن مش كل اللي بتحبهم هتحس معاهم بالامان
وبعد فتره من عدم الأمان و التوتر والخوف في العلاقه الحب بيقل و بيحصل فتور واحساسك بيتغير وبيبقي الشخص اللي كنت بتحبه واهم حاجه عندك أصبح بلا قيمه نسبه وجوده في حياتك معدومه أو زي ما بيقولوا وجوده زي عدمه …
وأوقات تانيه بيبقي عبء عليك انت اللي شايل همه ..
في الوقت دا لازم تقف قدام نفسك وتسألها ….
الانسان دا هقدر اكمل معاه ؟
هل فعلا يستاهل التضحيه ؟
طب هو هيقدر اني ضغط علي نفسي عشانه ؟
والسؤال الأهم هل عندي طاقه اقدر اكمل بيها ؟
رد علي نفسك وجاوبها بكل صراحه وقتها هتعرف انت هتقدر ولا خلاص مبقاش في عندك جهد ولا طاقه للتحمل
بلاش ترهق نفسك
ما تنفخش في قربه مخرومه
اشتري نفسك وصحتك وراحه بالك
انت هتعيش مره واحده عيشها زي ما انت تحب مش زي ما هما يحبوا
