الشاعر محمد العتمونى يكتب … غصب عنى

الشاعر محمد العتمونى يكتب … غصب عنى ……………
غصب عنى…
الوطن ساكن ف دمى
ولما أطلب منه يرحل….
يستخبى جوه همى!!!
غصب. …عنى
وجوه جرحي…
وف ملامحى
هوه زرعي….
وهوه طرحي
غصب عنى!!!!!!!!!!
………………
وف آهاتى…لما ببكى
ولما بضحك……..
ولما أغنى
غصب عنى!!!!!!!!!!!!
كنت راضى بالمغالطة…
والغرام ف الأصل…
غلطة!!!
جوه قلبى رسمت…
خارطه
وتوهت فيها…..
وغصب عنى!!!!
……………….
إنتى….أمى؟ !!!!!
أيوه أمى….
وغصب عنى
بس….يا ترى
لما ببكى…بتحضنينى؟
ولما بزعل…بتراضينى ؟
ولما بشكي…..بتسمعينى؟
لما..لما…وألف لما…..
السؤال مابقاشى كلمة
أنا ظالم…وإنتى…ظالمه
وغصب عنك….
وغصب عنى!!!!!!!