اشعار اشرف عيد
كلمات – اشرف عيد
ياعم ياحلال كل العقد – قولى بس على شفره
احل بيها شفرة بشر – تعبونى مناهده ومعافره
الشكل أه شكل البشر
بقلوب مهاجره ومسافره
من غير ملامح او رتوش – الخلق عايشه حبة وشوش
تغدر تخون كده بطريقة
وتعالى دور على الحقيقة
هاتلاقى ايه بحر وغريق
ومفيش طريق وسط الرتوش
تتوه فى سكه ابوابها سكه – على خلق سكه مايرحموش
من غير ملامح او رتوش – الخلق عايشه حبة وشوش
وشوش وليها عيون جريئة
تاخدك ف ثانية لبحور غريقة
تاخدك لدنيا حلوه ورقيقة
حلوه العيون حلوه الرموش
تجيب جنون وتضيع فاشوش – شهيد غرام حبة رتوش
من غير ملامح او رتوش – الخلق عايشه حبة وشوش
وشوش وماشية تخبى ضيقة
عايشين فى دنيا تخنق خنيقة
فيها الغلابه وسط الديابه
من غير رتوش حبة هاموش
ارواح وخايفة بقلوبها شايفة – غابه فيها كتير وحوش
من غير ملامح او رتوش – الخلق عايشه حبة وشوش
