امسك في اللي فاهم حقيقة قلبك بغض النظر عن تصرفاتك

كتب : احمد حجاج

امسك في اللي فاهم حقيقة قلبك بغض النظر عن تصرفاتك
وامسك في اللي بيشوفك بعيون قلبه وروحه، مهما بعدت بينكم المسافات
حقيقي الواحد أوقات كتير بيكون محتاج اللي يفهمه من جواه اللي يمتص غضبه وقت عصبيته ويحتويه وقت حيرته ويتحمل تخبطه وتوهته وقت ألمه ويسنده ويقويه وقت ضعفه ووحدته
عن نفسي وقتها بكون محتاجة اللي ميلومنيش على حاجات عملتها غصب عني وأنا في لحظة ضعف أو حيرة ووجع … بكون متعشمة في اللي مهما حصلي عمره ما يتغير معايا ولا يسيبني في شدتي لوحدي … لأن اللي بيعمل كده بيكون فعلا الصادق في مشاعره … وبيكون صادق القول والفعل … وصدق وعده اللي قاله في يوم لما عاهدني أنه هيفضل شايفني دايما حلوة حتى ولو كنت في أسوأ حالاتي
فمن القلب
شكرا لكل من كان صادق القول والفعل دائما وأبدا